E mmò che sò cumincite a raggiunà, nemme vuie fermà quà, ma te diche pure n'addra cose:

te diche che lli stisse sintiminte d'armonie, de bellezze, de grandezze che me 'spire stu Territorie li vuie métte anninze pe' cercà de truvà lu verse iiuste ddove dà iì sta sucietà. Come 'na persone, dope che da uaione à cresciute tante e pure 'n frette e alla fine à diventate nu belle ggiovane che chiù di quelle n'se pò sveluppà, nen pò cresce de chiù, a meno che nen vò scuppià, stà sucietà à dda cumincià a cumpurtasse da persona adulte, à dda pensà a quelle che ddà fà mò ch'è grosse.

Nu' tenéma dà mette tutte belle a pposte dentre a sta nostre sucietà, ardivennenne tutti quinte come fratilli e surelle, sfurzennece a 'mparà a pensà che n'addre mode, e tenéma pure riaggiustà e fà funzionà miie tutte quelle che facéme e che tenéme, e cuntemporaneamente tenéma fà arvivì 'sta nature, ntà ere prime, artruvenne 'llà giuste combinazione di civiltà e silvaggità;

Sol'allore, quanne su sta Terre ce sarà tanta saggezze e armunie d'armétte a pare la troppa scienze e cumpetizione de uie, sol'allore putéme arcumincià a sviluppacce, ma stavodde verse lu Spazie, infinite e misteriose.

La bella cuscienza mì, iì t'arngrazie assì p'avémme state a sentì, p'avémmete fatte arcuntà stì belle cose sante, che m'à fatte diventà chiù 'mpurtante di quelle che ere prime; t'arngrazie ancore e te diche: fàmmete venì a'rtruvà chiù spesse, fàmmete arparlà cacche addre vodde ancore, ca sò appene cumincite sta bella vita nove!