n'attività che pe cuscì nt'è fatte e pe' tutta la gente c'arcòie nen fa addre che sfruscià e 'nquinà e rruvinà sta natura belle?

lu solite vicchie sisteme che use cirte furbacchiune pe facci'armàne fesse, pe' 'mpapicce 'n'tutte, e pe' facce fà quello che vò iscie?

E allore, cunsiderenne 'nsimbr'a te:

che ci stà n'eccellenze cuscì bbon'e generose che noie, che nonostante lu fatte chiar'e tonne che senza di esse e lu permess'a su manche une sole de no' po' campà, nisciune se l'arcorde, tranne quanne se tratte de iìlle a svénne a pezzettine 'nsimbre a cacche pulitiche o a cacche vicchie riccone;

che stu belle Territorie, pecchè è di esse che te stinc'a parlà, che la terra sù, che li surgenti a sù, che li fiume e li laghe, li culle e li muntagne, li prate e li campe, li bosche, la bell'aria, zitt'e silenziose 'nta si stà - prubbete come n'eccellenza che pe' core bbone e cumpassione nen vò fà vedè n't'è grosse e putente a sti misere bestiole ch'ie cammine 'ncima a pelle - ogne jurne ci regge e ci permette di campà, argalennece ogne cose che ce serve pe stà bbone e pe fà quelle che l'Eccellenza Superiore ci vò fà fà;

che stu belle Territorie, pe quant'è generose, belle, ricche e dignitose, ci'arscalle lu core quande va male, e figurete quante ci fà sta miie quande và bbone, e pe' quant'è vaste e splindinte li ciile a sù ci'aiute a cresce e spazià li pensìri e l'ideale;